Onuň Alyhezreti,

Türkmenistanyň saýlanan Prezidenti

jenap Serdar Berdimuhamedowa

Siziň Alyhezretiňize Türkmenistanyň Prezidenti wezipesine saýlanmagyňyz mynasybetli tüýs ýürekden gutlaglarymy we iň gowy arzuwlarymy beýan etmek meniň üçin uly hormatdyr.

Size berk jan saglyk we bagtyýarlyk, dostlukly türkmen halkyna bolsa mundan beýläk-de üstünlik hem-de abadançylyk arzuw edýärin.

Meniň iň gowy arzuwlarymy, hakyky dostlugymy we hormatymy kabul ediň!

Halifa bin Zaýed Al Nahaýýan,

Birleşen Arap Emirlikleriniň Prezidenti.

* * *

Onuň Alyhezreti,

Türkmenistanyň saýlanan Prezidenti

jenap Serdar Berdimuhamedowa

Sizi Ysraýyl Döwletiniň adyndan saýlawlarda gazanan ýeňşiňiz bilen tüýs ýürekden gutlaýaryn hem-de Türkmenistanyň Prezidenti wezipesinde üstünlikleri arzuw edýärin.

Biz Türkmenistanyň milli bähbitlerinee laýyk gelýän, umumy gyzyklanma bildirilýän ugurlarda ikitaraplaýyn gatnaşyklary giňeltmekde bilelikdäki işleri mundan beýläk-de dowam etdirjekdigimize ynanýarys.

Şeýle hem ýetip gelýän Nowruz baýramy mynasybetli mähirli gutlaglarymy beýan edip, halkyňyza bereketli hasyly, bol suwly derýalary we tebigatyň eçilýän beýleki köp sanly peşgeşlerini arzuw edýärin. Täze başlangyçlaryň nyşany bolan baharyň bu ajaýyp baýramyny bellemek iki halkyň hem däp-dessurlarynyň aýrylmaz bölegidir.

Soňky ýyllarda adamzat jemgyýetiň we umumylygyň ähmiýetli gymmatyna göz ýetirdi. Bilelikdäki gatnaşyklarymyzyň halklarymyzyň arasyndaky hyzmatdaşlygy pugtalandyrmaga ýardam berjekdigine ynanýaryn.

Parahatçylygy, abadançylygy we dostlugy pugtalandyrmakda, ýurtlarymyzyň arasyndaky gatnaşyklary ösdürmekde bilelikde amala aşyryljak işlere sabyrsyzlyk bilen garaşýaryn.

Hormatlamak bilen,

Ishak Gersog,

Ysraýyl Döwletiniň Prezidenti.

* * *

Onuň Alyhezreti,

Türkmenistanyň saýlanan Prezidenti

jenap Serdar Berdimuhamedowa

Siziň Alyhezretiňize Türkmenistanyň Prezidenti wezipesine saýlanmagyňyz mynasybetli tüýs ýürekden gutlaglarymy beýan etmek meniň üçin uly hormatdyr.

Size berk jan saglyk we bagtyýarlyk, dostlukly türkmen halkyna bolsa mundan beýläk-de üstünlik hem-de abadançylyk arzuw edýärin.

Meniň iň gowy arzuwlarymy, hakyky dostlugymy we hormatymy kabul ediň!

Mohammed bin Zaýed Al Nahaýýan,

Abu-Dabiniň Mirasdüşer Şazadasy, Birleşen Arap Emirlikleriniň Ýaragly Güýçleriniň Belent Serkerdebaşysynyň orunbasary.

* * *

Onuň Alyhezreti,

Türkmenistanyň saýlanan Prezidenti

jenap Serdar Berdimuhamedowa

Siziň Alyhezretiňize Türkmenistanyň Prezidenti wezipesine saýlanmagyňyz mynasybetli tüýs ýürekden gutlaglarymy we iň gowy arzuwlarymy beýan etmek meniň üçin uly hormatdyr.

Size berk jan saglyk we bagtyýarlyk, dostlukly türkmen halkyna bolsa mundan beýläk-de üstünlik we abadançylyk arzuw edýärin.

Meniň iň gowy arzuwlarymy, hakyky dostlugymy we hormatymy kabul ediň!

Mansur bin Zaýed Al Nahaýýan,

Birleşen Arap Emirlikleriniň Ministrler Kabinetiniň Başlygynyň orunbasary, Prezidentiň işleri boýunça ministri.

* * *

Onuň Alyhezreti,

Türkmenistanyň saýlanan Prezidenti

jenap Serdar Berdimuhamedowa

Siziň Alyhezretiňize Türkmenistanyň Prezidenti wezipesine saýlanmagyňyz mynasybetli tüýs ýürekden gutlaglarymy beýan etmek meniň üçin uly hormatdyr.

Size berk jan saglyk we bagtyýarlyk, dostlukly türkmen halkyna bolsa mundan beýläk-de üstünlik hem-de abadançylyk baradaky arzuwlarymy beýan edýärin.

Meniň iň gowy arzuwlarymy, hakyky dostlugymy we hormatymy kabul ediň!

Mohammed bin Raşid Al Maktum,

Birleşen Arap Emirlikleriniň wise-prezidenti, Premýer-ministri, Dubaýyň häkimi.

* * *

Onuň Alyhezreti, 

Türkmenistanyň saýlanan Prezidenti

jenap Serdar Berdimuhamedowa

Siziň Alyhezretiňiz!

BMG-niň Merkezi Aziýa üçin öňüni alyş diplomatiýasy boýunça sebit merkeziniň adyndan we hut öz adymdan Prezident saýlawlarynda gazanan ynamly ýeňşiňiz mynasybetli Size tüýs ýürekden gutlaglarymy beýan edýärin.

Siziň Türkmenistanyň Prezidenti wezipesinde hemişelik Bitaraplyk syýasatyny dowam etdirjekdigiňize hem-de tagallalaryňyzy ýurduňyzy dünýäde öňdäki orunlary eýeleýän, güýçli, depginli ösýän döwlete öwürmäge gönükdirjekdigiňize berk ynanýaryn.

Siziň hakyky watansöýüji, parasatly kakaňyzyň saýlap alan ýoly netijesinde Türkmenistan halkara gatnaşyklarda hemişe öňüni alyş diplomatiýasyny işjeň goldaýar. Hemişelik Bitaraplyk hukuk derejesini berjaý etmek bilen, sebit we ählumumy derejede özara bähbitli çözgütleri tapmagy başarýar.

Pursatdan peýdalanyp, Türkmenistan bilen Birleşen Milletler Guramasynyň, şol sanda Merkezi Aziýa üçin öňüni alyş diplomatiýasy boýunça sebit merkeziniň arasynda netijeli hyzmatdaşlygy mundan beýläk-de ösdürmäge ygrarlydygymy beýan edýärin.

15 ýylyň dowamynda sebit merkezi Merkezi Aziýanyň ähli döwletleriniň arasynda netijeli gatnaşyklary ösdürmek üçin tagalla edýär. Onuň işine berýän hemişelik ünsi we hemmetaraplaýyn goldawy üçin Türkmenistanyň ýolbaşçylaryna aýratyn hoşallygymy beýan etmek isleýärin. Türkmenistan bilen BMG-niň arasyndaky netijeli hyzmatdaşlygyň ösdürilmeginiň mundan beýläk-de, Merkezi Aziýada bolşy ýaly, tutuş dünýäde hem durnuklylygy we abadançylygy pugtalandyrmaga ýardam berjekdigine ynanýaryn.

Hormatly Serdar Gurbangulyýewiç, Size berk jan saglyk hem-de Türkmenistanyň gülläp ösmeginiň bähbidine jogapkärli we köpugurly işiňizde uly üstüklikleri arzuw edýärin!

Hormatlamak bilen,

Natalýa German,

BMG-niň Baş sekretarynyň Ýörite wekili, BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy.

* * *

Onuň Alyhezreti, 

Türkmenistanyň saýlanan Prezidenti

jenap Serdar Berdimuhamedowa

Jenap Prezident!

Türkmenistanyň Prezidenti wezipesine saýlanmagyňyz mynasybetli Siziň Alyhezretiňize tüýs ýürekden gutlaglarymy ibermek meniň üçin uly hormatdyr.

Türkmenistan bilen Yslam Hyzmatdaşlyk Guramasynyň arasyndaky gatnaşyklaryň netijeliligini kanagatlanma bilen bellemek hem-de ikitaraplaýyn bähbitlere olary mundan beýläk-de ösdürmäge çalyşýandygymy ynandyrmak isleýärin.

Siziň Alyhezretiňiziň parasatly baştutanlygynda Türkmenistan tarapyndan gurama yzygiderli goldaw beriljekdigine umyt edýärin.

Gudraty Güýçli Allatagaladan Siziň beýik ýurduňyza hyzmat etmek ýaly asylly işde Size üstünlik dileýärin.

Siziň Alyhezretiňiz, Size tüýs ýürekden hormat goýýandygym baradaky ynandyrmalarymy kabul etmegiňizi haýyş edýärin!

Hisseýn Brahim Taha,

Yslam Hyzmatdaşlyk Guramasynyň Baş sekretary.

* * *

Onuň Alyhezreti, 

Türkmenistanyň saýlanan Prezidenti

jenap Serdar Berdimuhamedowa

Siziň Alyhezretiňiz!

Geçirilen saýlawlarda Türkmenistanyň Prezidenti wezipesine saýlanmagyňyz mynasybetli Sizi tüýs ýürekden gutlaýarys.

Ýapon-türkmen Parlamentara dostluk topary ysnyşykly syýasy, ykdysady we medeni hyzmatdaşlyk arkaly iki ýurduň arasyndaky dostlukly hem-de hoşmeýilli gatnaşyklaryň ösdürilmegine ýardam edýär.

Türkmenistan Garaşsyzlygyna eýe bolanyndan soňra, döwletleriň ikisi hem örän netijeli gatnaşyklary ýola goýdular, ýapon kompaniýalary Türkmenistanda durmuşa geçirilýän dürli taslamalara gatnaşýarlar. Biz ikitaraplaýyn hyzmatdaşlygy pugtalandyrmak üçin mundan beýläk-de ähli tagallalary ederis.

Şu ýyl biziň ýurtlarymyzyň arasynda diplomatik gatnaşyklaryň ýola goýulmagynyň şanly 30 ýyllygy bellenilýär.

Siziň Alyhezretiňize berk jan saglyk, işiňizde üstünlik hem-de ikitaraplaýyn gatnaşyklaryň mundan beýläk-de ösdürilmegini arzuw edýäris.

Hormatlamak bilen,

Endo Toşiaki,

Ýapon-türkmen Parlamentara dostluk toparynyň başlygy, Ýaponiýanyň Liberal-demokratik partiýasynyň Saýlawlar strategiýasy boýunça komitetiniň başlygy.

* * *

Onuň Alyhezreti, 

Türkmenistanyň saýlanan Prezidenti

jenap Serdar Berdimuhamedowa

Siziň Alyhezretiňiz!

Geçen saýlawlarda Türkmenistanyň Prezidenti wezipesine saýlanmagyňyz bilen Sizi tüýs ýürekden gutlaýarys.

Ýaponiýa saparlaryňyzyň barşynda Siziň Alyhezretiňiz bilen duşuşyga hem-de meniň Türkmenistana saparym mahalynda bildirilen mähirli kabul edişlige we biziň dostlugymyzyň pugtalandyrylýandygyna buýsanýaryn.

Ýapon-türkmen Parlamentara dostluk topar döredileninden bäri, ysnyşykly syýasy, ykdysady we medeni gatnaşyklaryň netijesinde iki ýurduň arasyndaky dostlukly, hoşmeýilli gatnaşyklar berkidildi.

Siziň Tokioda geçirilen tomusky Olimpiýa oýunlarynyň açylyş dabarasyna gatnaşmagyňyz hem-de Ykdysady hyzmatdaşlyk boýunça türkmen-ýapon komitetiniň başlyklygyna saýlanmagyňyz ikitaraplaýyn gatnaşyklaryň ösdürilmeginiň bähbidine uly tagallalaryň edilýändigine şaýatlyk edýär. Munuň üçin Siziň Alyhezretiňize tüýs ýürekden hoşallyk bildirýärin.

Siziň ýurduňyzyň ýolbaşçylarynyň, şol sanda häzirki Prezident, Onuň Alyhezreti Gurbanguly Berdimuhamedowyň dünýä bileleşiginde Türkmenistanyň hemişelik Bitaraplyk ýörelgelerini yzygiderli ilerletmek boýunça edýän tagallalary tutuş dünýä üçin nusgalykdyr.

Şu ýyl iki ýurduň arasynda diplomatik gatnaşyklaryň ýola goýulmagynyň şanly 30 ýyllygy bellenilýär. Ikitaraplaýyn hyzmatdaşlygyň mundan beýläk-de ösdürilmegini we tutuş dünýäde parahatçylyk arzuw edýäris.

Hormatlamak bilen,

Matsuşita Şinpeý,

Ýapon-türkmen Parlamentara dostluk toparynyň Sekretariatynyň başlygy, Ýaponiýanyň Parlamentiniň Geňeşçiler palatasynyň Syýasy etikany we saýlaw ulgamyny döretmek boýunça ýörite komitetiniň başlygy.

* * *

Onuň Alyhezreti, 

Türkmenistanyň saýlanan Prezidenti

jenap Serdar Berdimuhamedowa

Çuňňur hormatlanylýan jenap Prezident!

Sizi Türkmenistanyň Prezidenti wezipesine saýlanmagyňyz hem-de 12-nji martda ýurtda geçirilen demokratik saýlawlaryň ägirt uly üstünligi bilen tüýs ýürekden gutlaýaryn.

Halkara synçylar Türkmenistanda geçirilen saýlaw möwsüminiň synynyň netijelerini jemläp, saýlawlaryň ýurtda hereket edýän saýlaw kanunçylygyna laýyklykda, ýokary guramaçylyk derejesinde geçirilendigini, olaryň erkin, açyk we bäsdeşlik esasynda bolandygyny hem-de saýlawlary geçirmegiň umumy ykrar edilen ýörelgelerine laýyk gelendigini biragyzdan tassykladylar.

Awstriýanyň ýaşaýjylaryny saýlawçylaryň saýlawlara ýokary işjeňlikde gatnaşandygy begendirýär. Saýlawlaryň netijeleri türkmen halkynyň öz döwletiniň içeri we daşary syýasatyny, şol sanda halkara medeni diplomatiýa hem-de beýleki döwletler bilen dostlukly gatnaşyklary giňeltmek ulgamyndaky syýasatyny doly goldaýandygyna aýdyň şaýatlyk edýär.

Hemişelik Bitaraplyk we parahatçylyk syýasaty Awstriýanyň ýaşaýjylaryna uly täsir edýär, Garaşsyz, Bitarap Türkmenistanyň halkara abraýyny berkidýär.

Türkmenistanyň häzirki Prezidenti Gurbanguly Berdimuhamedowyň 2008-nji ýylyň noýabrynda Awstriýa bolan ilkinji resmi saparynyň hormatyna Wenada döredilen Awstriýa-türkmen jemgyýetine şu ýyl 14 ýyl dolýar.

Çuňňur hormatlanylýan jenap Prezident!

Ýurtlarymyzyň arasynda medeni-ynsanperwer we ykdysady gatnaşyklary mundan beýläk-de ösdürmekde bilelikdäki taslamalary amala aşyrmak üçin Awstriýa-türkmen jemgyýetiniň ähli tagallalary etjekdigine ynandyrýaryn.

Size Türkmenistanyň abadançylygynyň bähbidine uly üstünlikleri, türkmen halkyna bolsa bagt, rowaçlyk hem-de abadançylyk arzuw edýärin.

Hormatlamak we iň gowy arzuwlar bilen,

Neda Berger,

Awstriýa-türkmen jemgyýetiniň ýolbaşçysy.

* * *

Onuň Alyhezreti, 

Türkmenistanyň saýlanan Prezidenti

jenap Serdar Berdimuhamedowa

Çuňňur hormatlanylýan Serdar Gurbangulyýewiç!

Hut öz adymdan hem-de Moskwanyň M.W.Lomonosow adyndaky döwlet uniwersitetiniň köp müň adamly toparynyň adyndan Sizi Türkmenistanda geçirilen Prezident saýlawlarynda gazanan ynamly ýeňşiňiz bilen gutlaýaryn. Bu wezipä saýlanmagyňyz türkmen halkynyň Sizi ýurtda gülläp ösüşe hem-de ýaşaýyş-durmuş şertlerini gowulandyrmaga alyp barýan Lideri hasaplaýandygynyň aýdyň subutnamasydyr.

Syýasy-ykdysady we ynsanperwer ulgamlarda netijeli türkmen-rus gatnaşyklarynyň mundan beýläk-de giňeldilmeginiň biziň halklarymyzyň bähbitlerine laýyk gelýändigine, sebitde parahatçylyga we durnuklylyga hyzmat edýändigine ynanýaryn. Moskwa uniwersitetiniň bilimi hem-de ylmy ösdürmek işine hemişe saldamly goşant goşjakdygyna Sizi ynandyrýaryn. Biziň işjeň, netijeli hyzmatdaşlygymyzyň Russiýanyň we Türkmenistanyň halklarynyň dostlukly gatnaşyklarynyň köpasyrlyk däplerini baýlaşdyrmaga hyzmat etjekdigine ynanýaryn.

Çuňňur hormatlanylýan Serdar Gurbangulyýewiç, Size berk jan saglyk, kuwwatly we gülläp ösýän Türkmenistanyň abadançylygynyň bähbidine işiňizde üstünlik arzuw edýärin!

Tüýs ýürekden hormatlamak bilen,

W.A.Sadowniçiý,

Moskwanyň M.W.Lomonosow adyndaky döwlet uniwersitetiniň rektory, akademik.