Arkadagly Gahryman Serdarymyz «Ýaşlar — Watanyň daýanjy» atly eserinde: «Çaganyň dünýä inen gününden başlap, döwletimiz ýaş raýatyny alada bilen gurşap alýar. Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň döredilmegi bolsa ýaş nesliň saglygy hakyndaky düýpli aladalaryň ýene-de bir aýdyň mysalydyr» diýip, parasatlylyk bilen nygtaýar.

Mälim bolşy ýaly, mukaddes Garaşsyzlygymyzyň şanly 33 ýyllygy mynasybetli paýtagtymyzdaky Döwletliler köşgünde terbiýelen ýän we bilim alýan, şeýle-de Arkadag şäherindäki Gurbanguly Berdimuhamedow adyndaky çagalar sagaldyş-dikeldiş merkezinde saglygyny dikeldip, bejergi alýan çagalara Gahryman Arkadagymyzyň hem-de Arkadagly Gahryman Serdarymyzyň adyndan dürli datly miwelerden, süýjüliklerden, beýleki naz-nygmatlardan ybarat bolan sowgatlar gowşuryldy.

Ýeri gelende nygtasak, Arkadagly Gahryman Serdarymyzyň taýsyz tagallalary netijesinde bu ynsanperwer guramanyň dünýä ýurtlarynda mätäçlik çekýän çagalara kömek-goldaw bermekde amala aşyrýan işleri Berkarar döwletiň täze eýýamynyň Galkynyşy döwründe Garaşsyz döwletimiziň Bitaraplyk syýasatynyň ähmiýetini täze mazmun bilen baýlaşdyrýar. Häzirki wagtda «Türkmenistanda çagalaryň hukuklaryny durmuşa geçirmek boýunça 2023 — 2028-nji ýyllar üçin Hereketleriň milli meýilnamasynyň» we onda bellenen çäreleriň netijeli durmuşa geçirilýändigini hem nygtamak gerek.

Türkmen halkynyň Milli Lideri Gahryman Arkadagymyzyň «Türkmeniň döwletlilik ýörelgesi» atly eserinde nygtaýşy ýaly, ýagşylyk, haýyr-yhsan, sahawat, delalat — bular ýüreklerde ýagşy täsirleri oýarýan düşünjelerdir. Halky bezeýän, milleti beýgeldýän häsiýetlerdir. Haýyr-sahawat, ýagşylyk etmek bolsa türkmen halky üçin ýaşaýşyň ýörelgesine, mertebäniň mizan terezisine öwrülendir.

Ýaşajyk raýatlary söýgi we alada bilen gurşap almagyň, maşgala gymmatlygyny berkitmegiň, eneligi we çagalygy goramagyň, ynsanperwerligi, haýyr-sahawaty ösdürmegiň dünýä nusgalyk göreldesini görkezýän Alym Arkadagymyzyň jany sag, ömri uzak bolsun, sahawatly işleri rowaçlyklara beslensin.

Nurly HOJAMYRADOW, Hojambaz etrap prokurorynyň tälim alyjy kömekçisi.