«Halkyň Arkadagly zamanasy» ýylynyň 6-7-nji awgustynda paýtagtymyzda «Türkmenistanyň gurluşygy, senagaty, energetikasy — 2022» atly halkara sergi we onuň çäklerinde «Türkmenistanyň gurluşyk, senagat, energetika pudaklarynyň ösüşi» atly maslahat geçirildi. Ýerli we daşary ýurtly işewürleriň işjeň gatnaşmagynda geçen sergide bu işe ýaňy başlan täze kärhanalaryň öz mümkinçilikleri- ni görkezmegi telekeçiligi goldamak we ösdürmek babatda döwlet derejesinde durmuşa geçirilýän netijeli işleriň beýany boldy. Ýeri gelende bellesek, Gahryman Arkadagymyzyň parasatly başlangyçlary bilen işlerini döwrebap guramaga döwletimiz tarapyndan giň goldawlary alýan ýerli kompaniýalar häzirki zaman edara binalaryny, ýaşaýyş toplumlaryny, önümçilik hem-de medeni-durmuş maksatly iri desgalary gurmakda dünýäniň öňdebaryjy gazananlaryny işjeň özleşdirýärler we şolardan netijeli peýdalanýarlar.

Ata Watanymyzyň ykdysady kuwwatynyň has-da artmagy ugrunda beýik işleri durmuşa geçirýän Arkadagly Serdarymyzyň yhlasly tagallalary hemişe üstünliklere beslensin.

Serdar ÇARYÝEW, Ak bugdaý etrap prokurorynyň kömekçisi, ýustisiýanyň kiçi geňeşçisi.