Türkmenistanyň Baş prokuraturasy

Ykdysady özgerişlere badalga

29.12.2020

Parahatçylyk söýüjilikli daşary syýasaty, oňyn hoşniýetli gatnaşyklary bilen dünýäde öz mynasyp ornuny tapmagy başaran Garaşsyz, baky Bitarap Watanymyzyň halkara abraýy barha artýar. Bu öňegidişlikleriň gözbaşynda milli Liderimiziň oýlanyşykly we maksatnamalaýyn başlangyçlarynyň durandygy aýdyň hakykatdyr.

Berkarar ýurdumyzda hormatly Prezidentimiziň baştutanlygynda milli ykdysadyýetimizi diwersifikasiýalaşdyrmak, elektron senagaty ösdürmek, maglumat aragatnaşyk tehnologiýalarynyň soňky gazananlaryna esaslanýan ösen ykdysadyýeti kemala getirmek, innowasion, ýokary tehnologiýaly, bäsleşige ukyply sanly ykdysadyýeti döretmek boýunça netijeli işleriň amala aşyrylmagyna guramaçylykly girişilmegi ösüşleriň oňyn netijeliligini üpjün edýär. Halkymyzyň abadan durmuşynyň dowamatyny gazanmak maksady bilen durmuşa geçirilýän maksatnamalara laýyklykda, ýurdumyzyň senagatlaşdyrylmagy we sanly ykdysadyýete geçilmegi boýunça işler ýokary depginde amala aşyrylýar.

Sanly ykdysadyýet wagtyň we harajatlaryň tygşytlanylmagy bilen bir hatarda, girdejileriň täze çeşmelerini ýüze çykarmaga şert döredýän maglumataragatnaşyk tehnologiýalarynyň peýdalanylmagyna esaslanýan ykdysady gatnaşyklaryň ulgamydyr.

Ykdysady we durmuş gatnaşyklarynyň täze ulgamynyň depginli ösmegi dünýä senagat önümçiliginde bolup geçýän özgerişlerden oňyn netije çykarmaga mümkinçilik berýär.

Türkmen halkynyň ýaşaýyş-durmuş derejesi üçin aňrybaş şertleri döredip berýän Gahryman Arkadagymyzyň jany sag, işleri rowaç bolsun!

Bilbil SAPAROWA, Daşoguz welaýatynyň prokurorynyň hukuk üpjünçiligi boýunça uly kömekçisiniň wezipesini ýerine ýetiriji, 1-nji derejeli ýurist.