02.03.2025

Bilşimiz ýaly, Gahryman Arkadagymyzyň «Adatça, mertler Watany beýgeldýändir, Watan bolsa mertleri beýgeldýändir» diýen ganatly sözleri bar. Berkarar döwletiň täze eýýamynyň Galkynyşy döwri hem hormatly Belent Serkerdebaşymyzyň parasatly baştutanlygynda mertleriň mertebesiniň has-da belende göterilýän eýýamy boldy. Garaşsyz, hemişelik Bitarap ýurdumyzda uly dabara bilen bellenilen Watan goragçylarynyň güni mynasybetli Daşoguz welaýatynyň prokuraturasynyň guramagynda uruş weterany, prokuratura edaralarynyň düzüminde uzak ýyllaryň dowamynda halal hem-de tutanýerli zähmet çeken, bir asyry arka atan Köşek Sultanmyradow bilen duşuşyk geçirildi. Bu duşuşyk halypa-şägirtlik mekdebiniň, gahryman pederleriň geçen durmuş ýolunyň Berkarar döwletiň täze eýýamynyň Galkynyşy döwrüniň nesilleriniň ýörelgesine öwrülendiginiň aýdyň nyşany boldy.

27.02.2025

Gahryman Arkadagymyzyň öwüt-nesihatlaryndan, hormatly Belent Serkerdebaşymyzyň tabşyryklaryndan ugur alyp, Garaşsyz, hemişelik Bitarap Watanymyza ak ýürekden gulluk edýän ýurdumyzyň harby hem-de hukuk goraýjy edaralarynyň harby gullukçylarynyň we işgärleriniň hatarynda, biz — prokuratura edaralarynyň işgärleri hem mukaddes Watanymyza, mähriban halkymyza, hormatly Belent Serkerdebaşymyza ak ýürekden gulluk etmegi belent mertebe, mukaddes borç hasaplaýarys.

24.02.2025

Berkarar döwletimizde Arkadagly Gahryman Serdarymyzyň durmuşa geçirýän adyl syýasatynyň netijesinde toýlar toýa ulaşýar. Maňa-da Halkara parahatçylyk we ynanyşmak ýylynyň ilkinji günlerinde toýlanylýan Watan goragçylarynyň güni mynasybetli Türkmenistanyň «Watana bolan söýgüsi üçin» medaly bilen sylaglanmak bagty nesip etdi. Bu döwlet sylagyna mynasyp bolmagym meni döwletimizde kanunçylygy hem-de hukuk tertibini pugtalandyrmak, raýatlaryň hukuklaryny, azatlyklaryny goramak we döwletiň kanun tarapyndan goralýan bähbitlerini üpjün etmek bilen baglanyşykly alyp barýan işlerimizde mundan beýläk-de jan aýaman zähmet çekmäge, hormatly Prezidentimiziň alyp barýan ynsanperwer syýasatyny durmuşa geçirmekde mynasyp goşant goşmaga borçlandyrýar.

21.02.2025

Welaýatymyzyň prokuratura işgärleri hem Watan goragçylarynyň gününi uly ruhubelentlik bilen garşylaýarlar. Ýurdumyzda kabul edilýän kanunçylyk namalaryna laýyklykda asuda jemgyýetimiziň goragynda durmak biziň üçin belent mertebedir. Döwrebaplyk we borja ygrarlylyk — alyp barýan işlerimiziň özenini düzýän sütünler. Bu babatda biz her bir pursatda Gahryman Arkadagymyzyň we Arkadagly Gahryman Serdarymyzyň taýsyz goldawlaryny duýup ýaşaýarys we işleýäris. Hormatly Prezidentimiz Döwlet howpsuzlyk geňeşiniň her bir mejlisinde beýleki harby we hukuk goraýjy edaralar bilen bilelikde prokuratura edaralarynyň işgärleriniň öňünde hem belent wezipeleri goýýar. Biz öz işlerimizi şol wezipelerden ugur alyp, durmuşa geçirýäris.

18.02.2025

Gysga taryhy döwürde milli goşunymyzyň dürli kysymlary hemmetaraplaýyn kämilleşdirildi. Muny ýurdumyzda Milli Liderimiziň hem-de hormatly Belent Serkerdebaşymyzyň alyp barýan oňyn harby syýasaty, şeýle-de harby gullukçylar üçin döredilýän şertleriň, amatlyklaryň barha giň gerim alýandygy bilen düşündirse bolar. Döwrümize şan getirjek ýylymyzyň «Halkara parahatçylyk we ynanyşmak ýyly» diýlip atlandyrylmagy bolsa Watan goragçylarymyz üçin aýratyn many-mazmuna eýe boldy.

14.02.2025

Türkmen halky öz pähim-paýhasy bilen taryhda ebedilik yz galdyran beýik şahsyýetlerine hormat-sarpa goýmagyň, olaryň at-owazasyny dün ýä ýaýmagyň, şan-şöhratyny has-da beýgeltmegiň nusgasyny görkezip gelýän halkdyr. Berkarar döwletiň täze eýýamynyň Galkynyşy döwrüniň «Pähim-paýhas ummany Magtymguly Pyragy» ýylynyň tutuş dowamynda akyldar şahyrymyzyň doglan gününiň 300 ýyllygy mynasybetli geçirilen dürli dabaralaryň mysalynda-da bu hakykat öz aýdyň beýanyny tapdy. Hormatly Prezidentimiziň «Magtymguly – dünýäniň akyldary» atly täze kitabyny halkymyza sowgat etmegi hem bu ajaýyp hakykatyň ýene bir güwäsine öwrüldi.

12.02.2025

Garaşsyz, hemişelik Bitarap Türkmenistan döwletimizde adam hakynda alada hiç wagt ünsden düşürilmeýär. Halkyň ýaşaýyş-durmuş derejesiniň gün-günden gowulanmagy bolsa onuň aýdyň mysalydyr. Esasy Kanunymyzda hem: «Türkmenistanda jemgyýetiň we döwletiň iň gymmatly hazynasy adamdyr» diýlip bellenilýär. Hut şondan ugur alnyp, ýurdumyzda zähmetsöýer halkyň abadan ýaşamagyna, şahsyýetiň hemmetaraplaýyn ösmegine gönükdirilen döwlet syýasaty alnyp barylýar. Şonuň netijesinde bolsa Berkarar döwletiň täze eýýamynyň Galkynyşy döwri Arkadagly Gahryman Serdarymyzyň parasatly baştutanlygynda ähli ugurlarda belent sepgitlere ýetilýän zamana öwrülýär.

10.02.2025

Hukugyň beýleki islendik pudaklarynda bolşy ýaly, administratiw hukugy hem düzgünleşdiriş, serenjam beriş we goraýyş wezipelerini ýerine ýetirýär. Şonuň bilen birlikde, ýene-de bir zady aýratyn bellemek gerek, ol hem administratiw hukugynyň hukugyň beýleki pudaklarynyň kadalaryny we düzgünlerini durmuşa geçirmegiň mehanizmini özünde jemleýänligindedir. Başgaça aýdylanda, administratiw hukugynyň kadalary hukugyň beýleki pudaklarynyň kadalarynyň amala aşyrylýan ýeri bilen özboluşly infrastrukturany emele getirýär we administratiw hukugynyň wezipelerini düzgünleşdiriji aýratynlyk bolup durýar.

05.02.2025

Halkymyz Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň daşyna mäkäm jebisleşip, her bir gününi üstünlikler bilen garşy alýar. Diýarymyzda alnyp barylýan ähli oňyn işler we özgertmeler mähriban halkymyzyň rowaçlygynyň hatyrasyna gönükdirilýär. Bu il-ýurt bähbitli işler öz gözbaşyny Türkmenistanyň Konstitusiýasyndan alyp gaýdýar. Kanunylygyň durmuş maksady bolsa milli jemgyýetçilik we döwlet gurluşyny berkitmäge we ösdürmäge ýardam bermekdir, demokratiýanyň dabaralanmagydyr. Kanunylyk döwletde hukuk kadalarynyň takyk, gyşarnyksyz, birmeňzeş berjaý edilmeginden ybarat bolan döwlet we jemgyýetçilik durmuşynyň ýörelgesini aňladýar. Şonuň üçin ol fiziki şahslaryň hereketleriniň we ýuridik şahslaryň işleriniň, şeýle-de hukugyň subýektleriniň arasyndaky islendik gatnaşyklaryň kanunylygyny üpjün etmegiň guraly bolup çykyş edýär.

01.02.2025

Ýakynda tamamlanan, “Pähim-paýhas ummany Magtymguly Pyragy” ýylynda şygaryndan äşgär bolşy ýaly, Gündogaryň akyldary, filosof, beýik şahyrymyz Magtymguly Pyragynyň doglan gününiň 300 ýyllygynyň baýramy taryhy waka boldy. Şu möhüm waka bilen bagly ýurdumyz boýunça we halkara derejesinde geçirilen duşuşyklar Garaşsyz, baky Bitarap Türkmenistanymyzyň taryhyna altyn harplar bilen ýazyldy. Akyldar şahyrymyzyň doglan gününiň 300 ýyllygynyň ýubileýi türkmen ilinde ýatdan çykmajak täsir galdyrdy.

28.01.2025

Ber­ka­rar döw­le­tiň tä­ze eý­ýa­my­nyň Galky­ny­şy döw­rün­de Türk­me­nis­tan dün­ýä­niň yk­dy­sa­dy ösü­şi­ne iş­jeň go­şu­lyş­ýar. Hor­mat­ly Pre­zi­den­ti­mi­ziň baş­tu­tan­ly­gyn­da ylym we teh­no­lo­gi­ýa ba­bat­da­ky üs­tün­lik­ler, bu ugur­da al­nyp ba­ryl­ýan iş­ler ýur­dumyzyň yk­dy­sa­dy­ dur­muş de­re­je­si­ni ýo­kar­lan­dyr­ma­ga iter­gi ber­ýär. Soň­ky ýyl­lar­da Türk­me­nis­tan döw­le­ti­niň yk­dy­sa­dy stra­te­gi­ýa­syn­da ylym we teh­nolo­gi­ýa ba­bat­da­ky ösüş­ler gu­wan­dy­ry­jy­dyr. Türk­men alym­la­ry­nyň hal­ka­ra de­re­je­sin­de ge­çi­ril­ýän yl­my mas­la­hat­la­ra gat­naş­ma­gy, döw­re­bap yl­my-bar­lag­la­ryň ge­çi­ril­me­gi we in­no­wa­sion teh­no­lo­gi­ýa­la­ryň ula­nylma­gy ýur­du­my­zyň ösü­şin­de esa­sy orun eýe­le­ýär. Bu bol­sa tä­ze be­lent­lik­le­re çykma­ga iter­gi ber­ýär.

24.01.2025

«Berkarar döwletiň täze eýýamynyň Galkynyşy: Türkmenistany 2022—2052-nji ýyllarda durmuş-ykdysady taýdan ösdürmegiň Milli maksatnamasy» geljek ýyllarda mukaddes Garaşsyzlygymyzyň we hemişelik Bitaraplygymyzyň binýadyny has-da berkitmek, bazar ykdysadyýetini, kiçi we orta telekeçiligi ösdürmek ýaly maksatlary özünde jemleýär. Ýurdumyzyň raýatlarynyň ýaşaýyş-durmuş derejesini, iş üpjünçiligini has-da ýokarlandyrmak döwletimiziň baş maksady bolup durýar. Bu ugurda döwlet maksatnamalary üstünlikli durmuşa geçirilýär. Olaryň esasynda ýurdumyzyň dostlukly gatnaşyklary dünýä dolýar.

20.01.2025

Raýat jemgyýetimizde kämil kanunlarymyzy raýatlara düşündirmek prokuratura edaralarynyň işgärleriniň möhüm wezipeleriniň biri bolup durýar. Şeýle wezipäniň maksadam raýatlaryň hukuk medeniýetiniň derejesini ýokarlandyrmakdan ybaratdyr. Şonuň üçinem bu işe hemişe uly üns berlip, onuň oňyn çözgüdini gazanmak ugrunda degerli işler ýola goýulýar.

16.01.2025

Magtymguly Pyragy ähli döwürleriň, ähli göwünleriň şahyrydyr. Beýik akyldaryň miras galdyran her bir setiri, her bir bendi tutuşlygyna nesihatdyr, durmuşda ýol görkeziji şamçyragdyr. Berkarar döwletiň täze eýýamynyň Galkynyşy döwrüniň «Pähimpaýhas ummany Magtymguly Pyragy» ýylynda Gündogaryň beýik akyldarynyň we şahyrynyň döredijiligini dünýä ýaýmakda, şanşöhratyny hasda belende götermekde ägirt uly işler durmuşa geçirilýär. Köpetdagyň eteginde Magtymguly Pyragynyň ajaýyp heýkeliniň we nusgawy şahyryň adyny göterýän medeniseýilgäh toplumynyň açylmagy, akyldar şahyryň doglan gününiň 300 ýyllygy mynasybetli çäreleriň dünýäniň çar künjeginde biri birine ulaşmagy oňa goýulýan belent hormatsarpanyň aýdyň nyşanydyr.

12.01.2025

Üstümizdäki ýylyň şanly wakalary ýurdumyzyň bedew batly ösüşler bilen öňe barýandygyny bütin aýdyňlygy bilen ýüze çykarýar. «Pähimpaýhas ummany Magtymguly Pyragy» diýen şygar astynda geçýän ýylda akyldar şahyrymyzyň doglan gününiň 300 ýyllygy mynasybetli dabaraly çäreler guralýar. Paýtagtymyz Aşgabadyň gözel künjeginde, Köpetdagyň eteginde Magtymguly Pyragynyň ajaýyp heýkeliniň we medeni seýilgäh toplumynyň açylmagyny 2024nji ýylyň taryhy wakalarynyň hatarynda buýsanç bilen görkezip bileris.