15.08.2024

«Pähim-paýhas ummany Magtymguly Pyragy» ýyly halkymyz üçin rysgal-bereketli ýyllaryň birine öwrüldi. Zähmetsöýer daýhanlarymyzyň türkmen topragyndan gallanyň 1 million 400 müň tonnadan gowrak hasyl alyp, şertnamalaýyn borçnamalaryny üstünlikli berjaý etmegi şanly ýylyň şatlykly wakalarynyň üstüni ýetirdi.

13.08.2024

Ýurduň raýatlarynyň bilim almaga bolan konstitusion hukugyny üpjün etmek we goramak bilim ulgamynyň hukuk esasynyň kämilligine we berkligine baglydyr. Çünki bilim ulgamyna degişli kanunlary kämilleşdirmek jemgyýe tiň ruhy, durmuş-ykdysady we medeni ösüşiniň binýady bolup durýar. Ýurdumyzyň Esasy Kanunynda berkidilen raýatlaryň bilim almaga bolan hukuklarynyň durmuşa geçirilmegi bilim ulgamynyň ösdürilmegine giň mümkinçilik berýär. «Bilim hakynda» Türkmenistanyň Kanunynyň kämilleşdirilmegi ýur- dumyzda ýaşlara döwrebap bilim-terbiýe bermek babatynda zerur işleriň amala aşyrylýandygyny aýdyň görkezýär. Bilim babatynda kabul edilen kanunlar, düzgünnamalar we maksatnamalar giň gözýetimli, döwrüň ruhuna laýyk derejede pikirlenýän, döwrebap tehnologiýalardan baş çykarýan, saýlan hünärine yhlasly ýapyşýan türkmen ýaşlaryny terbiýelemäge, bilim işgärleriniň has netijeli işlemekleri üçin uly mümkinçilikleri açýar.

11.08.2024

Garaşsyz, hemişelik Bitarap Türkmenistany hemmetaraplaýyn ösdürmekde, halkara abraýyny ýokarlandyrmakda, «Döwlet adam üçindir!» diýen ynsanperwer syýasaty üstünlikli durmuşa geçirmekde, jemgyýetimiziň bitewüligini, ilimiziň agzybirligini we jebisligini berkitmekde bitiren aýratyn hyzmatlary üçin halkymyzyň çäksiz sylagynyň, belent sarpasynyň, uly hormatynyň we söýgüsiniň beýany hökmünde 2023-nji ýylyň 21-nji ýanwarynda kabul edilen Türkmenistanyň Konstitusion kanuny bilen Gahryman Arkadagymyz türkmen halkynyň Milli Lideri diýlip kanun esasynda ykrar edildi. Bu belent hormat Gahryman Arkadagymyzyň ýurdumyzyň ösüşi, halkymyzyň abadan ýaşaýşy üçin amal eden beýik işlerine halkymyzyň çuňňur minnetdarlygynyň nyşanydyr.

09.08.2024

Hormatly Belent Serkerdebaşymyzyň taýsyz tagallalary netijesinde Berkarar döwletiň täze eýýamynyň Galkynyşy döwründe nusgawy edebiýatymyzyň görnükli wekilleriniň, ýazyjy-şahyrlarymyzyň ömri we döredijiligi has içgin öwrenilýär. Nusgawy edebiýatymyz hakynda söhbet edilende bolsa, ilkinji nobatda, akyldar şahyrymyz Magtymguly Pyragynyň keşbi ör-boýuna galýar.

07.08.2024

Ýurdumyzyň ylym-bilim ulgamyny dünýä derejesinde ösdürmäge Berkarar döwletiň täze eýýamynyň Galkynyşy döwründe aýratyn uly üns berilýär. Hormatly Prezidentimiziň parasatly ýolbaşçylygynda ylym-bilimi kämilleşdirmekde, ähli ulgamlara ylmyň täze gazananlaryny, sanly ulgamy ornaşdyrmakda, ýurdumyzyň ylmy kuwwatyny ýokarlandyrmakda ýetilýän belent sepgitler Watanymyzyň kuwwatynyň has-da pugtalanmagynda uly ähmiýete eýedir. «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynda» hem türkmen ylmyny ähli taraplaýyn ösdürmegiň ugurlarynyň beýan edilýändigini bellemek gerek.

05.08.2024

Berkarar döwletiň täze eýýamynyň Galkynyşy döwrüniň altyn sahypasyna öwrülen 2023-nji ýylyň 29-njy iýunynda Köpetdagyň eteginde görlüp-eşidilmedik toý tutulyp, halkymyzyň göwün islegini alamatlandyrýan, tutuş sebitde deňi-taýy bolmadyk «akylly» şäheriň — Arkadag şäheriniň açylyşy boldy. «Arkadag şäheri hakynda» Türkmenistanyň Kanunyna laýyklykda, bu döwrebap şäher üçin döwlet ähmiýetli şäher diýen aýratyn hukuk ýagdaýy bellenilýär. Arkadag şäheriniň hukuk ýagdaýy Garaşsyz, hemişelik Bitarap Türkmenistanyň üstünliklerini görkezýän dolandyryş-çäk birligi hökmünde, şonuň ýaly-da türkmen halkynyň köpasyrlyk taryhy tejribesiniň we döwlet gurluşynda halkara tejribesiniň häzirki zaman meýilleriniň esasynda ýurdy ösdürmegiň uzak möhletleýin geljeginiň aýratyn ähmiýetine laýyklykda bellenilýär.

03.08.2024

Elbetde, türkmen jemgyýetinde gazanylýan her bir ösüşler milli kanunçylygyň kämilleşmegi esasynda amala aşyrylýar. Milli kanunçylygy kämilleşdirmek boýunça toplumlaýyn işlerde halkara tejribeler iç gin öwrenilýär hem-de olaryň iň ygtybarly ugurlary ornaşdyrylýar. Munuň özi täze taryhy eýýamymyzda kanunçylyk ulgamyny döwrebap kämilleşdirmegiň, olary halkara hukugynyň umumy ykrar edilen kadalaryna laýyklykda baýlaşdyrmagyň döwlet işiniň esasy ugurlarynyň biridigini doly tassyklaýar.

01.08.2024

Hormatly Prezidentimiziň baş tutanlygynda amala aşyrylýan toplumlaýyn özgertmeleriň netijelerini Türkmenistanyň daşky gurşawy goramak boýunça kanunçylygynyň halkara ekologiýa hukuk kadalary bilen sazlaşyklylykda yzygiderli kämilleşmeginde hem görmek bolýar. Munuň özi daşky gurşawy goramagyň we tebigy serişdeleri rejeli peýdalanmagyň, tebigy betbagtçylyklaryň öňüni almagyň, azyk önümleriniň hem-de howa gurşawynyň ekologiýa taýdan arassalygyny üpjün etmegiň häzirki zaman şertlerinde wajyp wezipeleriň hatarynda durýandygy bilen baglanyşyklydyr.

30.07.2024

Döwletimiziň milli hem-de umumadamzat bähbitlerini nazara alýan oýlanyşykly ekologiýa syýasaty tebigy gurşawyň ýokary hilini üpjün etmäge, ilatyň ýaşaýyş-durmuşy üçin amatly şertleri döretmäge, ekologiýa howpsuzlygyny amala aşyrmaga gönükdirilendir. Ýurdumyzda daşky gurşawy goramaga uly ünsüň berilmegi bilen Esasy Kanunymyz bolan Türkmenistanyň Konstitusiýasynyň 14-nji, 15-nji we 53-nji maddalarynda berkidilen konstitusion kadalara laýyklykda, ýurdumyzda daşky gurşawy goraýyş kanunçylygynyň yzygiderli ulgamy döredildi. Ulgamyň esasy wezipesi döwletimiziň tebigy gurşawy goramaga, baýlyklaryny aýawly peýdalanmaga we ekologiýa ýagdaýy gowulandyrmaga gönükdirilen syýasatyny hukuk taýdan üpjün etmäge gönükdirilendir.

28.07.2024

Danalar adamyň zähmet bilen diňe bir ruhy dünýäsiniň päklenmän, eýsem, ýüzüniň hem röwşenlenýändigini aýdyp geçipdirler. Eger şeýle bolsa, onda ynsan ýaşaýşyny gözelleşdirýän, onuň ömrüne many çaýýan zat hem zähmet bolsa gerek.

26.07.2024

Ösüşlere beslenýän döwrümizde Türkmenistan Watanymyzda halkara hukugyň umumy ykrar edilen kadalaryna laýyklykda, kanunçylyk binýadyny özgertmäge we kämilleşdirmäge aýratyn üns berilýär. Ýurdumyzda beýleki ugurlar bilen birlikde, ýaşaýyş jaý gatnaşyklaryny düzgünleşdirýän kanunçylyk namalarynyň hem kämilleşdirilýändigini bellemek gerek. Türkmenistanyň Ýaşaýyş jaý kodeksi munuň aýdyň subutnamasy hökmünde öňe çykyp, ol raýatlaryň ýaşaýyş jaýyna bolan konstitusion hukugyny amala aşyrmaga we ýaşaýyş jaý bazaryny emele getirmäge hem-de ösdürmäge gönükdirilen kadalaşdyryjy hukuk namasydyr.

24.07.2024

Sagdyn durmuşyň hözirli ýörelgedigi hemmämize äşgär hakykat dyr. Onsoňam, neşekeşlige garşy göreşiň arakhorlugyň, çilimkeşlik, naskeşlik ýaly, ynsan saglygyna zyýanly endikleriň öňüni almak bilen utgaşdyrylýandygynam ýatlamalydyrys. Aýratynam, temmäki önümleriniň ulanylmagynyň öňüni almak derwaýys wezipedir. Sebäbi, olar ynsan saglygyna zeper ýetirýär. Bularyň öňüni almak yzygiderli tagallalary talap edýär. Neşekeşlikdir zyýanly endiklere garşy göreş de düşündiriş we wagyz-nesihat çärelerine uly orun degişlidir. Aslynda, sagdyn durmuşyň artykmaçlyklarynyň wagyz edilmegi neşekeşlik we beýleki zyýanly endikleri deslapky öňüniň alynmagynda ähmiýeti örän uludyr.

22.07.2024

Hormatly Prezidentimiziň parasatly we öňdengörüjilikli syýasaty Garaşsyz döwletimiziň BMG-niň Baş Assambleýasynyň kabul edilen Kararnamalarynyň ikisi bilen ykrar edilen Hemişelik Bitaraplyk hukuk ýagdaýyna esaslanýar. Döwlet Baştutanymyzyň bu syýasaty hoşniýetli goňşuçylyk, parahatsöýüjiligiň, bütin dünýäde howpsuzlygy pugtalandyrmagyň syýasaty bolany üçin dünýä jemgyýetçiliginde uly goldaw tapýar. Şol bir wagtda Bitaraplygymyz halkymyzyň parahat, asuda durmuşynyň ygtybarly kepili bolup hyzmat edýär.

20.07.2024

Şu günler türkmen halkynyň Milli Lideriniň parasatly başlangyçlary, hormatly Prezidentimiziň taryhy tutumlary arkaly adamzat medeniýetiniň genji-hazynasynyň aýrylmaz bölegine öwrülen edebi gymmatlygy miras galdyran akyldar şahyrymyz Magtymguly Pyragynyň doglan gününiň 300 ýyllygy dünýäniň çar künjünde dürli derejeli dabaralara beslenýär. «Pähim-paýhas ummany Magtymguly Pyragy» ýylynyň şanly wakalarynyň hatarynda mynasyp orun alýan bu çäreler Gündogaryň beýik söz ussadynyň ýedi yklyma dolan at- -abraýynyň, şan-şöhratynyň güwäsidir. Çünki akyldar şahyrymyzyň tutuş döredijiligi ynsanperwerlik, dost-doganlyk, watançylyk, wepalylyk, zähmetsöýerlik, halallyk, belent adamkärçilik ýaly umumadamzadyň ahlak belentligini açyp görkezýän kämil garaýyşlara ýugrulandyr. Beýik Pyragynyň doglan gününiň 300 ýyllygynyň hormatyna türkmen, rus we iňlis dillerinde aýratyn kitaplar görnüşinde neşir edilen «Magtymguly» atly saýlanan eserleriniň ýygyndysynda ýerleşdirilen goşgularyň her biri muňa anyk subutnamadyr. Ýeri gelende nygtasak, akyldar şahyrymyzyň şygyrlarynyň üç dilde çap edilmegi söz ussadynyň jahanyň çar künjündäki dürli ýaşdaky okyjylary üçin sözüň doly manysynda ajaýyp sowgat boldy. Munuň özi Magtymguly Pyragynyň gymmatly edebi mirasynyň dünýä halklarynyň ýakynlaşmagyna, dostlukly gatnaşyklarynyň has-da berkemegine ýardam berýändigi dogrusyndaky hakykaty ýene bir ýola tassyklaýar.

18.07.2024

Şahyryň erkin, asuda, binýady berk döwleti gurmak baradaky islegleri ýurdumyzyň Konstitusiýasynda hukuk taýdan berkidildi. Dana Pyragynyň agzybirlik, goňşy halklar bilen dostlukly ýaşamak, parahatçy ly gy saklamak baradaky ündewleri Garaşsyz ýurdumyzyň daşary syýasatynyň esa sy ugry hökmünde kabul edildi. Esasy Kanunymyzyň 9-njy maddasyna laýyklykda, Türkmenis tan dünýä bileleşiginiň doly hukukly subýekti bolup, daşary syýasatda hemişelik bitaraplyk, beýle ki ýurtlaryň içerki işlerine gatyşmazlyk, güýç ulanmakdan we harby bileleşiklere hem birleşmelere gatnaşmakdan ýüz döndermek, sebitiň ýurtlary we dünýäniň ähli döwletleri bilen parahatçylykly, dostlukly we özara bähbitli gatnaşyklaryň ösmegine ýardam etmek ýörelgelerine eýerýär.