22.12.2021

Hormatly Prezidentimiziň parasatly baştutanlygynda ýurdumyz ösüşleriň ýolunda bedew bady bilen öňe barýar. Döwrüň ösmegi bilen täze jemgyýetçilik gatnaşyklary ýüze çykýar. Islendik ugurda tutumly işler amala aşyrylanda onuň kadalaşdyryjy esaslarynyň bolmagy anyk netijeleri kepillendirýär. Şu jähetden, ýurdumyzda täze kanunlar kabul edilip, hereket edýän kanunlar yzygiderli kämilleşdirilýär. Şeýle kanunlaryň biri hem 2021-nji ýylyň 13-nji noýabrynda kabul edilen «Poçta aragatnaşygy hakynda» Türkmenistanyň Kanunydyr. Kanun poçta aragatnaşygy çygryndaky işiň hukuk esasyny belleýär, şeýle hem poçta aragatnaşygynyň operatorlarynyň hem-de poçta aragatnaşygynyň hyzmatlaryndan peýdalanyjylaryň hukuklaryny we borçlaryny kesgitleýär.

20.12.2021

Halkara hukugynda bar bolan kadalara laýyklykda, Türkmenistanyň Bitaraplygy gelip çykyşy boýunça — ykrar edilen, görnüşi boýunça — hemişelik, möhleti boýunça — çäklendirilmedik bolup, dartgynlylyk döwründe hem, asuda döwürde hem hereket edýär. Bitaraplygymyzyň 26 ýyly diňe türkmen döwletiniň daşary syýasy durmuş ukyplylygyna baha bermäge, saýlanyp alnan ýoluň dogrudygyna düşünmegi däl-de, eýsem, «Türkmenistanyň Bitaraplygy» diýen derejäniň mazmunynyň çuňlugyny beýan edýär. «Bitaraplyk» sözüniň manysy gözbaşyny gadymy döwürlerden alyp gaýdýar. Bitaraplyk instituty döwletiň hukuk derejesi bolup, onuň ösdürilmegi häzirki şertlerde parahatçylygyň we halkara howpsuzlygynyň goralmagyna we has-da berkidilmegine ýardam edýär. Türkmenistan hemişelik Bitaraplyk derejesi boýunça öz üstüne alan halkara borçnamalarynyň içeri we daşary syýasatynda üýtgewsiz we takyk kybap gelmeginiň kepili bolup çykyş edýär.

17.12.2021

— Milli mirasymyzy gaýtadan dikeltmek, çuňňur öwrenmek we ony ösen zamanamyzyň döwrebap öwüşginleri bilen baýlaşdyrmak Gahryman Arkadagymyzyň döwlet syýasatynda ileri tutulýan ugurlaryň biridir. Hormatly Belent Serkerdebaşymyzyň 2-nji dekabrda geçiren Döwlet howpsuzlyk geňeşiniň mejlisi hem muny doly aýan etdi. Mejlisde milli Liderimize Ministrler Kabinetiniň Başlygynyň orunbasary, Halkara «Türkmen alabaý itleri» assosiasiýasynyň ýolbaşçysy Serdar Berdimuhamedow assosiasiýanyň işi hem-de ýurdumyzda itşynaslygy ösdürmek boýunça görülýän anyk çäreler barada hasabat berdi. Ýeri gelende bellesek, türkmen alabaýlaryny serhet goşunlarynda, döwlet we aýratyn desgalary goramakda, gümrük hem-de migrasiýa nokatlarynda işjeň ulanmak ýola goýuldy. Munuň özi Milli goşunymyzyň söweşjeň ruhuny göterýän milli öwüşgindir. Taýsyz tagallalary bilen Milli goşunymyzyň watançylyk ruhuny belende göterýän hormatly Belent Serkerdebaşymyzyň jany sag, ömri uzak, işleri hemişe rowaç bolsun! Saparmyrat KUJUKBAÝEW, Aşgabat şäheriniň Bagtyýarlyk etrap prokurorynyň uly kömekçisi, 2-nji derejeli ýurist

14.12.2021

— Türkmeniň täze eýýamynyň milli senenamasynda halkymyzyň hakydasynda müdimilik orun alan iki sany şöhratly hem buýsançly sene bar. Olaryň birinjisi, 1991-nji ýylyň güýzünde türkmen halkymyzyň berkarar döwletli bolup, ýurt Garaşsyzlygyny gazanan güni, ikinjisi bolsa, 1995-nji ýylyň 12-nji dekabrynda hemişelik Bitaraplyk derejesine eýe bolan günüdir. Ýurdumyz dünýäde hemişelik Bitaraplyk derejesi iki gezek ykrar edilen ýeke-täk döwletdir. Gojaman Jeýhun derýasy bilen bahry-Hazar aralygynda ýerleşýän ýurdumyzyň geosyýasy taýdan amatly ýagdaýda, ýagny Aziýa bilen Ýewropa yklymynyň çatrygynda ýerleşmegi döwletimiziň Gündogar bilen Günbatar arasynda, şonuň ýaly-da Merkezi Aziýa sebitinde oňyn parahatsöýüjilik syýasatyny alyp barmagyna giň mümkinçilikleri döredýär. Türkmen Bitaraplygy pähimdar pederlerimiziň gadymyýetden gözbaş alýan milli däp-dessurlarynyň we ynsanperwer ýörelgeleriniň dowamy bolup, taryhda şöhratly sahypany açdy. Ata Watanymyzy ösüşleriň täze belentliklerine tarap alyp barýan hormatly Prezidentimiziň jany sag, ömri uzak, umumadamzat bähbitli işleri hemişe rowaç bolsun! Magtymguly ÇERREÝEW, Gubadag etrabynyň prokurory, 1-nji derejeli ýurist.

09.12.2021

Berkarar döwletimiziň bagtyýarlyk döwründe ýurdumyzda sagdyn durmuş ýörelgelerine eýerýän jemgyýeti kemala getirmek, möwsümleýin keselleriň öňüni almak boýunça netijeli işler alnyp barylýar. Sagdyn durmuş ýörelgelerini we sanitariýa-arassaçylyk kadalarynyň berjaý edilişini ilata düşündirmek maksady bilen, Türkmenistanyň Magtymguly adyndaky Ýaşlar guramasynyň Babadaýhan etrap Geňeşiniň, etrabyň bilim bölüminiň, hassahanasynyň we jemgyýetçilik guramalarynyň wekilleriniň gatnaşmaklarynda 17-nji orta mekdebiň ýokary synp okuwçylarynyň arasynda «Türkmenistan — sagdynlygyň mekany» atly şygar bilen düşündiriş ähmiýetli wagyz-nesihat duşuşygy geçirildi.

07.12.2021

— «Türkmenistan — parahatçylygyň we ynanyşmagyň Watany» ýylynda ýurdumyzyň ekologiýa kanunçylygy düýpli kämilleşdirildi. Oňa mysal edip, Türkmenistanyň Milli Geňeşiniň Halk Maslahatynyň mejlisinde «Atmosfera howasyny goramak hakynda», «Ekologiýa howpsuzlygy hakynda» Türkmenistanyň Kanunlaryna, şeýle hem Türkmenistanyň beýleki käbir kanunçylyk namalaryna üýtgetmeleri we goşmaçalary girizmek bilen bagly kanunlara seredilip, olar boýunça degişli kararlaryň kabul edilendigini görkezmek bolar.

06.12.2021

Watana bolan söýgi iň beýik we iň kämil söýgüdir. Bu hakykat taryhyň bäş müň ýyldan hem gowrak menzilini geçen halkymyzyň milli häsiýetine öwrülipdir. Watanyny söýen, sarpalan gerçekler il-gün tarapyndan örän ýokary derejede hormatlanylypdyr. Hormatly Prezidentimiziň «Döwlet adam üçindir!» diýen baş şygary ýurt taglymatyna öwrülip, ynsan mertebesini dabaralandyrýar. Bu ajaýyp taglymat ýurdumyzyň Esasy Kanunynyň we beýleki kanunçylyk namalarynyň ýörelgesine öwrülendir. Berkarar ýurdumyzda kanunlar hökmürowandyr. Hukuk döwletimizde ýaşaýan raýatlaryň azatlygy we erkinligi kanunlar esasynda goralýandyr.

04.12.2021

Biziň döwletimiz ynsan mertebesini ähli zatdan ileri tutýan kuwwatly döwletdir. Döwletimizde adam ykbalyna sähelçe-de biparh garalmaýar. Bu alada her bir raýatyň rahat ömür sürüp we erkin zähmet çekip bilmegine gönükdirilen adyl kanunlarymyz arkaly kepillendirilip, garaşsyzlyk ýyllarynda döwlet tarapyndan birnäçe täze maksatnamalar, kada-kanunlar kabul edildi. Oňa mysal edip, Türkmenistanyň Konstitusiýasyny, Türkmenistanyň Maşgala kodeksini, Türkmenistanyň Raýat kodeksini we beýlekileri görkezmek bolar. Şu ýylyň 13-nji noýabrynda hem «Türkmenistanyň Ilaty durmuş taýdan goramak hakynda kodeksine üýtgetmeler we goşmaçalar girizmek hakynda» Türkmenistanyň Kanuny kabul edildi.

03.12.2021

Halkymyz üç mukaddeslige aýratyn sarpa goýýar. Olar ynanç-iman, ata-ene we Watan. Bulary ähli gowy we beýik zatlara deňeýärler, emma hiç bir zady bular bilen deňeşdirjek bolmaýarlar. Türkmeniň ýürek örki diňe öz Watanynda. Watan diýlende biziň gözümiziň öňünde türkmen sähralary, dag-gerişleri, bäş welaýaty daşyna üýşürip oturan Garagum sähralygy we gün-günden gülleýän, gül açýan Berkarar döwletimiziň bagtyýarlyk döwri emele gelýär. Watan düşünjesi — mukaddes düşünje. Watanyňy janyňdan eziz görmek, onuň her daban ýerini gözüň göreji ýaly aýap saklamak her bir ynsanyň borjy hasaplanýar. Islendik ynsanyň kalbynyň töründe Watana bolan belent we mukaddes söýgi bolýar. Sen nirede bolsaň-da, ýüregiň şol mukaddesligi küýseýär.

02.12.2021

— Hemişelik Bitaraplyk hukuk ýagdaýyndan gelip çykýan wezipe borçlaryna ygrarly Türkmenistanyň ynsanperwerlik ýörelgeleri umumadamzat derejeli gymmatlyklara beslenendir. Munuň şeýledigini hormatly Prezidentimiziň 18-nji noýabrda Demirgazyk Ykdysady hyzmatdaşlyk boýunça halkara forumda sanly ulgam arkaly çykyş etmegi hem tassyklaýar.

24.11.2021

Türkmen halkynyň asylly ýörelgeleriniň biri-de özüniň ägirtlerini, beýik şahsyýetlerini sarpalamak, olaryň hatyrasyny belent tutmakdyr. Bu ýörelgä hormatly Belent Serkerdebaşymyzyň taýsyz tagallasy netijesinde aýratyn ähmiýet berilýär. Milli Liderimiziň başlangyjy bilen «Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygyny bellemek hakynda» Karara gol çekilmegi, hakykatdan-da, halkymyzyň bagtyýar ýaşaýşynyň, asuda we agzybir durmuşynyň dabaralanmasydyr. Mähriban halkymyz Magtymguly Pyragynyň ýubileý baýramçylygyny bellemäge şu günlerden uly taýýarlyk görýär.

22.11.2021

Adam hakyndaky alada, onuň hemmetaraplaýyn durmuş goraglylygyny üpjün etmek häzirki döwürde ýurdumyzda Hormatly Prezidentimiziň taýsyz tagallalary bilen döwlet syýasatynyň uly ähmiýet berilýän we bir pursat hem ünsden düşürilmeýän ugurlarydyr. Türkmenistanyň Konstitusiýasynyň 5-nji maddasyna laýyklykda «Türkmenistan her bir adamyň durmuş goraglylygyny kepillendirýän döwletdir.» Ýurdumyzda ene göwresindäki çagadan başlap, ýaş çagaly aýallar, köp çagaly maşgalalar, ata-enesiniň hossarlygyndan galan çagalar, maýyplygy bolan adamlar, eklenjini ýitirenler, gartaşan adamlar we halk köpçüliginiň beýleki birnäçe gatlaklary döwletiň durmuş goraglylygyndan peýdalanýarlar. Özem bu goraglylyk kanunçylyk esaslary bilen pugta berkidilip, kabul edilýän ýurdumyzy durmuş-ykdysady taýdan ösdürmäge gönükdirlen maksatnamalarda we olary ýerine ýetirmegiň meýilnamalarynda göz öňünde tutulýar. Ilatyň ýaşaýşynyň hilini has-da ýokarlandyrmak maksady bilen, durmuş syýasatyny, aýratyn hem, ykdysady, durmuş we medeni hukuklary babatda syýasaty mundan beýläk hem ösdürmek Hormatly Prezidentimiziň karary bilen tassyklanylan Türkmenistanda adam hukuklary boýunça 2021-2025-nji ýyllar üçin Hereketleriň milli Meýilnamasynda hem bellenilmegi bu ugurda adam hukuklarynyň gyşarnyksyz berjaý edilmegini gazanmakda möhüm ädimdir.

20.11.2021

Ösüşlere beslenýän zamanamyzda hormatly Prezidentimiziň parasatly baştutanlygynda başy başlanýan tutumly işleriň, il-ýurt bähbitli başlangyçlaryň guwandyryjy netijeleri halkymyzyň göwün guşuny göge göterýär. Döwlet Baştutanymyzyň 2019-njy ýylyň 11-nji ýanwaryndaky Kararyna laýyklykda, 2019-njy ýylyň 24-nji ýanwarynda badalga berlen, uzynlygy 600 kilometre barabar bolan Aşgabat — Türkmenabat ýokary tizlikli awtomobil ýolunyň Aşgabat — Tejen böleginiň ulanylmaga berilmegi mukaddes Garaşsyzlygymyzyň şanly 30 ýyllyk toýy toýlanylan «Türkmenistan — parahatçylygyň we ynanyşmagyň Watany» ýylynyň baýramçylyk ruhuny has-da beýgelden waka boldy.

18.11.2021

Hormatly Prezidentimiziň ýurt başyna geçen ilkinji günlerinden öňe süren “Döwlet adam üçindir” diýen şygarynyň hakykat ýüzünde durmuşa geçirilýändiginiň subutnamalaryny biz gündelik durmuşymyzda kabul edilýän kanunlarda, kadalaşdyryjy hukuk namalarynda we anyk işlerde görýäris. Ýurdumyzda hereket edýän we täze kabul edilýän kanunlar, kadalaşdyryjy hukuk namalar raýatlaryň hukuklaryny, azatlyklaryny berkarar etmäge gönükdirilýär. Bagtyýar döwrümizde ilatyň durmuş goraglylygyny üpjün etmek maksady bilen giň möçberli maksatnamalar durmuşa geçirilýär. Aýlyk zähmet we talyp haklary, pensiýalar we döwlet kömek pullary yzygiderli köpeldilýär. Raýatlarymyzyň ýaşaýşy üçin sagdyn ekologiki gurşawy, azyk howpsuzlygyny döretmek, sanly ulgamyň mümkinçilikleri arkaly ýaşaýyş şertlerini ýokarlandyrmak we ýeňilleşdirmek üçin tagallalar edilýär. Türkmenistanyň Konstitusiýasynyň 1-nji maddasynda: «Türkmenistan demokratik, hukuk we dünýewi döwlet bolup, onda döwlet dolandyryşy prezident respublikasy görnüşinde amala aşyrylýar.» diýlip kesgitlenen. Hukuk döwleti – bu jemgyýetde syýasy häkimiýetiň, adamyň we raýatyň hukuklaryny hem azatlyklaryny has doly üpjün etmek üçin şertleri döredýän döwletdir. Konstitusiýadan gözbaş alýan kanunlaryň hereket etmegi, olaryň hukuk hem durmuş taýdan goraglylygynyň üpjün edilmegi bolsa häzirki zaman düşünjesinde hukuk döwletiniň esasy alamatlarynyň hatarynda durýar.

17.11.2021

Maşgala nikadan döreýär, müňlerçe maşgala birigip, jemgyýeti emele getirýär. Taryhdan belli bolşy ýaly, adamzat jemgyýeti maşgala döretmegiň birnäçe nusgalaryny öňe çykardy. Bu meselede häzirki günlerde hem düýpli aýratynlyklara duş gelmek bolýar. Nika-maşgala institutlary her bir halkyň özboluşly mental aýratynlyklaryna esaslanýar. Biziň ýurdumyzda maşgala meselesinde ata-babalarymyzdan gelýän ýol-ýörelgelere eýerilýär. Maşgala däpleri döwre görä, täze öwüşginler bilen üsti ýetirilýär, ýöne olar many-mazmun babatda mizemez hasaplanylýar. Maşgala däplerini mynasyp dowam etdirmekde mekdebe öwrülen Hormatly Prezidentimiziň dürdäne eserlerini okanyňda nusgalyk türkmen maşgalasynyň keşbi göz öňüňde janlanýar. Milli Liderimiz «Mert ýigitler gaýrat üçin dogulýar» atly eserinde: «Zenan maşgalalar, ata-babalarymyzyň sözi bilen aýtsak, «dört tärimden başga ýeri» gören hem däldir. Ýöne han-beglere, gahryman batyrlara öz maslahatlary bilen kömek edýärler.